Казанда Россия этнография музее Евразия халыклары сәнгатен тәкъдим итәчәк
1 ноябрь Татарстан Республикасы Милли музеенда Санкт-Петербург шәһәренең Россия этнография музее җыелмасыннан «Тукыма бизәге: Евразия халыклары традицияләре һәм сәнгате» күргәзмәсе ачыла.
Россия халыкларының һәм чит илләрнең тукыма эшләнмәләре коллекциясеннән 120дән артык экспонат тәкъдим ителәчәк. Күргәзмә проекты РФ Мәдәният министрлыгы ярдәме белән «Мәдәният» Милли проекты кысаларында үткәрелә.
Предметларның этник һәм географик диапазоны уникаль: Үзәк Россиядән Ерак Көнчыгышка кадәр, Рус төньягыннан алып Урта Азия һәм Кавказга кадәр. Костюм элементлары, интерьер предметлары, җигү каешлары, уенчыклар һәм бик күп башка детальләр.
Әлеге һәм башка эшләнмәләр нигезендә-тукыма кисәкләреннән оригиналь конструкцияләр ята. Экспонатлар XIX гасыр башыннан төрле халыкларның кул эшләре үсешен күрсәтә. Бу иҗатның универсаль булуын күрергә, ләкин шул ук вакытта ул халык традициясе кысаларында үзенчәлекле булып кала бирә.
Соңгы елларда Россия этнография музее белгечләренең күпкырлы тикшеренүләре шуны раслый: кисәкләрдән тегү элеккечә Россиянең төрле төбәкләрендә, шул исәптән Идел буенда да киң таралган.
Күргәзмә барышында Россия этнография музее экспертлары Евразия халыклары арасында тукыма кисәкләреннән тегү традицияләре турында сөйләячәкләр, осталар белгечләр һәм киң тамашачылар өчен дәресләр һәм воркшоплар уздырачаклар.
Шулай ук музей тарафыннан булдырылган «Тукыма бизәге: тарих һәм традицияләр» альбомын тәкъдир итү булачак. Казаннан соң күргәзмә Уфага юл тотачак.
Татарстан Республикасы Милли музеенда күргәзмәне музейга керү билетлары буенча 17 ноябрьгә кадәр күрергә мөмкин.