Сукырлар һәм күзләре начар күрүчеләр өчен махсуслаштырылган китапханә һәм аның филиаллары Бөек Ватан сугышында Җиңүнең 68 еллыгына багышланган чаралар уздыра
«Сукырлар һәм күзләре начар күрүчеләр өчен республика махсуслаштырылган китапханәсе” дәүләт бюджет мәдәният учреждениесе һәм аның филиаллары Бөек Ватан сугышында Җиңүнең 68 еллыгына багышланган чаралар уздыра.
7 майда уку залында “Җиңүче халык үз каһарманнарын онытмас” дигән интеллектуаль уен узачак; Әлмәт филиалында – “Исәннәрнең хәтере тере” дип аталган чара; Бөгелмә филиалында – “Сугыш уты көйдергән балачак” дип аталган бәйрәм концерты; Алабуга филиалында – крайны өйрәнүгә багышланган “Җиңү балкышында сугыш шәүләсе бар” дигән тарих дәресе һәм “Син онытма, Ватан, ниләр булганын” дип аталган тарихи-патриотик кичә; Казан филиалында “Сугыш юллары “ дип аталган, Бөек Ватан сугышы чоры җырларына багышланган әдәби-музыкаль кичә узачак.
Татарстан Республикасы Мәдәният министрлыгының Матбугат хезмәте