Казан яшь тамашачылар театры "Баланы театрга алып барыгыз" дип исемләнгән акция үткәрә

2021 елның 13 марты, шимбә

Казан яшь тамашачылар театры Бөтендөнья балалар театры көненә багышланган хәйрия акциясе оештыра. 20 март Бөтендөнья балалар һәм яшьләр өчен театр көне буларак билгеләп үтелә. Әлеге бәйрәм уңаеннан Казан яшь тамашачылар театры инде 4 ел рәттән "Баланы театрга алып барыгыз!"дип исемләнгән хәйрия чарасы үткәрә. Бала ишетсен, күрсен, тойсын, гәүдәләндерсен, уйлансын өчен спектакль карарга тиеш.

Акциядә катнашу өчен 20 март көнне булачак "Бала" спектакленә билетлар сатып алырга һәм театр кассасындагы хәйрия тартмасында калдырырга яки (онлайн сатып алган очракта) a.moiseeva@kazan-tuz.ru электрон почтасына җибәрергә кирәк.

Акция кысаларында сатылган билетлар саны икеләтә арттырылачак һәм күп балалы гаиләләргә һәм инвалид балаларга тапшырылачак.