"Созвездие-Йолдызлык" фестиваленең кышкы сменасы 220 катнашучыны туплады
Яшел Үзән районының «Сосновый Бор» шифаханәсендә «Созвездие-Йолдызлык» эстрада сәнгатенең ачык республика телевизион яшьләр фестиваленең кышкы иҗат сменасы Татарстан Республикасының 17 районыннан 220 баланы җыйды.
Биредә 2-10 гыйнварь көннәрендә Татарстан Республикасы Президенты Рөстәм Миңнеханов һәм Татарстан Республикасы Яшьләр эше министрлыгы ярдәме белән уналтынчы кышкы иҗади смена үткәрелә.
Традицион мәдәни-белем бирү чарасы кысаларында балалар танылган сәнгать эшлеклеләренең иҗади очрашуларында катнашалар һәм мастер-классларын карыйлар, бәйрәм концертлары белән чыгыш ясыйлар, вокал, хореография буенча үзләренең яңа номерларын тәкъдим итәләр.
"Созвездие-Йолдызлык" фестивале - ул күркәм традиция. Элегрәк мондый зур концертларда булмадым һәм бүген сәхнәдә барган вакыйгаларны зур дулкынлану белән күзәттем. Миңа бу гаҗәеп матур атмосфера бик ошады, биредәге кичерешләрне сүз белән генә аңлатып булмый, – дип билгеләп үтте Николай Бызин. - Мин фестивальдә катнашучыларга, аларның әти-әниләренә һәм остазларына уңышлар, сәламәтлек, иминлек телим. Барыгызны да Раштуа бәйрәме белән котлыйм!».
Фестиваль лауреатлары - Яшел Үзәннән «Антошкилand» вокаль ансамбле, Яшел Үзәннән «Ассорти» төркеме, Буадан Камил Вәлиев, Казаннан Александр Малышев, Әлмәттән Аделина Джафарова, Яр Чаллыдан «Мизгел» бию театры квартеты, ТР Чүпрәле районыннан Юлия Михайлова, Азнакайдан «Лилия» хореография коллективы һәм башкалар Яңа ел каникуллары көннәрендә рәхәтләнеп ял итә алдылар. Сменаның остазлары - «Йолдызлык» ны тәмамлаучылар-Россия театр сәнгате институты студентлары.
«Созвездие-Йолдызлык» фестиваленең генераль продюсеры, РФ Хөкүмәтенең мәдәният өлкәсендә Премиясе лауреаты Дмитрий Туманов Татарстан Президенты Рөстәм Миңнеханов тарафыннан игълан ителгән Туган тел һәм Халык бердәмлеге елы «Созвездие - Йолдызлык» кышкы сменасы белән башлануын билгеләп үтте.