Казан музыкантлары Спиваков фондының иң зур проектында катнашты
Казаннан яшь музыкантлар XVII Халыкара «Мәскәү дусларын каршы ала» фестивалендә – Владимир Спиваковның Халыкара хәйрия фондының иң масштаблы проектында катнаштылар. Ул ел саен Мәскәү һәм Мәскәү өлкәсенең концерт һәм күргәзмә мәйданчыкларында үткәрелә. Оештыру комитеты составына күренекле сәясәтчеләр, җәмәгать эшлеклеләре, галимнәр, мәдәният һәм сәнгать вәкилләре керә.
Фестивальдә махсус урта музыка мәктәбе укучылары Аделина Сафина һәм Александр Архиреев, шулай ук Н.Г.Җиһанов исемендәге Казан дәүләт консерваториясенең ассистент-стажеры Екатерина Чеботарева катнашты.
Екатерина Чеботарева халык рәссамы Александр Шилов галереясендә чыгыш ясады.
Фестиваль 25 ноябрьдән 20 декабрьгә кадәр уза. Фестиваль концертлары көн саен www.spivakov.ru сайтында туры эфирда уза. Владимир Спиваковның Халыкара Хәйрия Фонды рәсми сәхифәләрендә Facebook һәм Youtube интернет-челтәрендә дә бар.
Фестиваль берничә мәйданчыкта уза, алар арасында Сергей Андрияки акварель мәктәбенең музей-күргәзмә комплексы, Александр Шилов галереясе, Мәскәү дәүләт академия филармониясе һәм башкалар бар.