Татарстан Республикасы мәдәният министры Ирада Әюпова яшь белгечләр белән очрашты
Бу көннәрдә Казанда Татарстан Республикасыннан читтә яшәүче яшь белгечләр форумы уза. Биредә читтә яшәүче яшь белгечләр катнаша. Катнашучылар Мәскәү, Әстерхан, Санкт-Петербург, АКШ, Кытай, Канада, Бөекбритания, Люксембург, Франция, Нидерланд, Алмания, Төркия, Үзбәкстан, Казахстан якларыннан килгән. Шулай ук, Татарстанга кайткан һәм берләшмәдә актив эшләвен һәм аны үстерүне дәвам итүчеләр дә бар.
Катнашучылар арасында проектлар белән идарә итүче, җитәкчеләр яки икътисад, мәдәният, мәгариф, медицина, санлы маркетинг, спорт өлкәсендә хезмәт итүче вәкилләр бар.
Кичә татар телен алга этәрү буенча сессиядә татар конгрессы һәм «Сәләт» яшьләр оешмасы вәкилләре, форум яшьләре белән мәдәният министры Ирада Әюпова очрашты. Фикер алышу «IT-парк»ның «Кайнар ноктасы»мәйданында узды. Яшьләр мәдәният өлкәсендә кызыклы идеяләр тәкъдим иттеләр: гади кешеләрнең тормышын сәүдә үзәге киңлекләрендәге экспозицияләр белән сурәтләүче фотолар булдыру, Сабантуйда кече һәм урта бизнес вәкилләре белән эшлекле очрашулар оештыру һәм башкалар.
Министр форумда катнашучыларның сорауларын хуплады һәм аларны җентекле рәвештә язып тәмамларга тәкъдим итте.
Форумда Татарстан Республикасында тормышка ашырылырга мөмкин булган проектлар һәм идеяләр, ә Татарстанның иң яхшы тәҗрибәләрен читтә масштаблаштыру механизмы каралды. Форум 19 декабрьгә кадәр дәвам итәчәк.
Татарстан Республикасы мәдәният министрлыгының матбугат хезмәте.