Татарстанның халык артисты Айдар Хафизов вафат

2020 елның 13 декабре, якшәмбе

Татарстан Республикасының театр сәнгате зур югалту кичерә– бүген  78 яшендә татар театрының күренекле артисты, Россия Федерациясенең атказанган артисты, Татарстан Республикасының халык артисты Айдар Хафизов вафат булды. Ул 1978 елдан башлап Г.Камал исемендәге Татар дәүләт академия театры сәхнәсендә хезмәт итә.

Татарстан Республикасы мәдәният министрлыгы халык артистының туганнары һәм якыннарының, хезмәттәшләренең тирән кайгысын уртаклаша.

Россия Федерациясенең атказанган артисты белән хушлашу иртәгә 12:00 сәгатьтә Камал театры каршындагы мәйданда узачак.