Казанда «Мирас мәктәбе-2020» тәмамлаучыларны бүләкләделәр

2020 елның 27 ноябре, җомга

Казанда «Мирас мәктәбе-2020» тәмамлаучыларга сертификатлар тапшыру тантанасы узды.

Казанда инде биш ел рәттән «Том Сойер Фест» ирекле фестивале уза. Дистәләгән битараф булмаган шәһәр кешеләре кулларына пычкылар, пумала, төрле эш кораллары алып Казан үзәгендәге биналарны реставрацияләү эшенә керешәләр. Волонтерларның хезмәтен җиңеләйтү өчен узган елдан алып Казанда "Мирас волонтерлар мәктәбе" эшли башлады.

Шушы көннәрдә мәктәпне тәмамлаучыларга сертификатлар тапшырылды. Координаторларга, укытучыларга һәм партнерларга рәхмәт хатлары, бу елның иң яхшы волонтерлары дипломнар белән бүләкләнде.