Казахстанда XIX Халыкара “Көзге Иртыш моңнары” татар сәнгате фестиваль-конкурсы үткәреләчәк
Фестиваль-конкурс 2018 елның 30 ноябрь, 1,2 декабрь көннәрендә Казахстанның Сәмәй шәһәрендә үткәреләчәк. Фестиваль бөек татар драматургы Туфан Миңнуллинның иҗатына багышлап уздырыла.
Фестиваль-конкурсның максатлары:
Татар халкының милли, мәдәни традицияләрен үстерүгә һәм пропагандалауга ярдәм итү, аның үзенчәлекле музыка, хореография, декоратив-гамәли сәнгатен, әдәбият һәм ризыкларын популярлаштыру;
Төрле яшьтәге һәм төрле милләт балаларының иҗади сәләтләрен ачу;
Рухи яктан якынаю һәм үзара элемтә урнаштыру, буыннар арасында бәйләнеш, халыклар арасындагы дуслык идеяләрен алга сөрү, һәм Казакъстан Республикасының күпмилләтле мәдәниятен алга таба үстерү.
Фестиваль-конкурста Казахстаннан, БДБ илләреннән һәм ерак чит илләрдән килгән 3 яшьтән алып 84 яшькә кадәр өлкәннәр һәм төрле милләт балалары катнаша ала.
Катнашу өчен анкета-заявканы 2018 елның 12 ноябренә кадәр җибәрергә кирәк.