ЯҢАЛЫКЛАР

1 июльдән Халыкара кинопроектлар питчингына гаризалар кабул итү башланды, ул «Алтын Минбар» XX Казан халыкара кинофестивале кысаларында бишенче тапкыр узачак. Төп приз - 500 мең сум өчен көрәшергә теләүчеләр заявканы 12 августка кадәр бирергә өлгерергә тиеш (шул исәптән Мәскәү вакыты буенча 23:59 га кадәр).

Тинчурин театрының баш режиссеры Туфан Имаметдиновның куелышындагы "Флешка, рэп һәм мәхәббәт" Хип-хоперасы Милли фестиваль лонг-листына һәм "Театрның музыкаль йөрәге" премиясенә керде.

7 июльдә Калининградта Ирек Хафизов һәм Әмир Галиәскәров режиссерларының «823-нче километр» тулы метражлы сәнгать фильмын күрсәтү булачак.

4 июльдә С.Г.Чавайн исемендәге Милли китапханәдә татар мәдәнияте атналыгы кысасында «Казан» журналын тәкъдир итү һәм аның баш мөхәррире Альбина Әбсәләмова белән очрашу булачак. Чара 14.00 сәгатьтә башлана.

4 июльдә 18.00 сәгатьтә М.Җәлил исемендәге Татар академия дәүләт опера һәм балет театрында Н.Г. Җиһановның “Җәлил” спектаклен күрсәтү була. Спектакльдә беренче мәртәбә Татарстанның халык артисты Филүс Каһиров зур роль уйнаячак. Спектакльне “Россия-Мәдәният” телеканалы яздырачак.

Минскны нацистлар басып алучыларыннан азат итү көнендә, Җиңү паркында Бөек Ватан сугышы геройлары истәлегенә Мәңгелек утка һәм Мемориалга чәчәкләр салу тантанасы булды.

"Союзмультфильм" Казанда тематик квест җибәрә. Аның ярдәмендә шәһәр тарихыннан һәм илебез анимациясеннән кызыклы фактлар белергә мөмкин.

Композитор һәм пианистка, Россия һәм Татарстан Композиторлар берлеге әгъзасы Алсу Сөнгатуллина «Нурлы Казан» симфоник поэмасы өчен «Сибириада» исемле Эдуард Артемьев исемендәге Беренче халыкара музыкаль һәм мультимедиа сәнгате конкурс-фестивалендә «Академик музыкасы» номинациясендә өченче урын яулады.

Биләрдә күптән көтелгән вакыйга: XIII Халыкара «Сәләт» яшьләр уку-укыту форумының иң иҗади һәм креатив сменасы – Иҗат Биләр Форум (Творчество/Arts) бер елдан соң борынгы Идел буе Болгар башкаласында яңадан талантлы балаларны җыйды. Форумның тагын бер үзенчәлеге: катнашучылырның иҗади видеовизиткалар ярдәмендә махсус сайлап алу этабын узу. Сменаның төп миссиясе – шәхесне үстерү һәм иҗат тирәсендә талантлы яшь кешеләрне берләштерү, ә моңа смена азагында күрсәтеләчәк уникаль проект ярдәм итәчәк. Смена 7 июльдә тәмамланачак.

9 июльдә 19.00 сәгатьтә Идел буе дәүләт физик культура, спорт һәм туризм университетының «Академия» концертлар залында (Казан шәһәре, Универсиада авылы 35, «Академия» КЗ) «Исәнме, әкият!» концерты була. Хор һәм "Ак Пароход" фестиваленең яшь солистлары балалар мультипликация һәм сәнгать фильмнарыннан җырлар башкарачак. Концертта дөнья опера сәхнәсенең күренекле солистлары Ольга Пудова, Любовь Петрова, Василий Ладюк, Игорь Морозов, Олег Диденко катнашачак. Концертны алып баручы - Дмитрий Губерниев.