Габдулла Кариев ис. Казан татар дәүләт яшь тамашачы театры җәйнең соңгы көннәрен тыгыз эш графигы белән тәмамлый. Республика көнен бәйрәм итү һәм сайлау алды компаниясе уңаеннан 17-21 августта кариевлылар Мөслим районы авыллары буенча гастрольләрдә булды. Туйгөлде, Тугаш, Карамалы авылларында Илдар Юзеев әсәре буенча куелган “Улыбыз өйләнә, без аерылышабыз” спектаклен күрсәттеләр.
Авыл халкын тыгыз урып-җыю эшләре вакыты булуга карамастан, кариевлыларның музыкаль комедиясен карап ял итте. Музыкаль комедия беткәч, тамашачылар артистларга сораулар да бирделәр, көчле алкышларга күмделәр, Рәхмәт хаты белән бүләкләделәр.