5, 6, 27 май көннәрендә 18.30 сәгатьтә Кәрим Тинчурин исемендәге Татар дәүләт драма һәм комедия театрында Шамил Фәрхетдинов әсәре буенча куелган «Эх, алмагачлары!» спектакленең премьерасы була.
Яз килде. Бакчалар чәчәккә күмелде. Ә «Алмагач иле» авылында яңа клуб ачыла. Зур кунакларның да килүе көтелә!!! Шунлыктан барлык авыл халкы шау- гөр килеп, тантаналы чарага әзерләнә. Бәхәсләшәләр, ярышалар һәм «Эх, алмагачлары!..», дип җырлыйлар, бииләр…Бу спектакль бик күп юмор, кешелеклелек, яхшылык белән сугарылган, ул кәефне күтәрә һәм күңелләрдә уңай тәэсирләр калдыра.