Татарстан Республикасы Дәүләт сынлы сәнгать музее кризиска каршы акция – сынлы сәнгать сөючеләр өчен Ачык ишекләр аен игълан итә
Татарстан Республикасы Дәүләт сынлы сәнгать музее кризиска каршы акция – сынлы сәнгать сөючеләр өчен Ачык ишекләр аен игълан итә.
18 февральдән 15 мартка кадәр «Хәзинә» милли сәнгать галереясенә һәм Хәзерге заман сәнгате галереясенә керү бушлай.
«Хәзинә» галереясендә:
– ХХ гасырның беренче яртысында яшәгән Россия-Америка рәссамы Николай Фешинның Россиядә яшәгән чорда иҗат иткән әсәрләреннән күргәзмә ;
–1910–30 еллар Казан авангарды тупланмасы;
– Социалистик реализм алымында иҗат иткән Татарстан рәссамнары: Бакый Урманче, Харис Якупов, Николай Кузнецов, Кондрат Максимов, Андрей Прокопьев әсәрләреннән күргәзмә;
– рәссам Илдар Зарипов күргәзмәсе;
– татар декоратив-гамәли сәнгате әсәрләре күргәзмәсе (көнкүреш кирәк-яраклары, йорт бизәү әйберләре, зәркәнчелек эшләнмәләре ).
Хәзерге заман сәнгате галереясе залларында:
- Виктор Аршиновның М. Җәлилнең «Моабит дәфтәрләре» нигезендә иҗат ителгән «Үлмәс бер җыр» дигән график эшләре сериясеннән төзелгән күргәзмә;
- Валерий Михайловның «Параллель чынбарлык» дигән фотокүргәзмәсе;
- Николай Выборнов һәм Игната Улин сыннарыннан төзелгән «Асылыма кайту» дигән күргәзмә;
- «Казанның монументаль скульптурасы. Ретроспектива» фотокүргәзмәсе.
Пресс-служба министерства культуры РТ