17 гыйнварда «Республика хәзинәсе» проектының быелгы беренче концерты узачак. Бу сезонда анда халыкара конкурслар лауреаты - Татарстан Республикасы Яшьләр симфоник оркестры катнашачак. Гыйнвар концертында оркестр тамашачылар хозурына Вивальди, Моцарт, К.Сен-Санс, А.Хачатурян, Э.Григ әсәрләреннән торган программа тәкъдим итә.
Коллектив белән бергәләп яшь башкаручылар –– Михаил Митрофанов-Җәлил, В. Вавилов исемендәге халыкара конкурсның I премиясенә лаек булган Ирина Савельева, «Концертино» ансамбльләр конкурсы лауреаты Валерия Исламова чыгыш ясый.
+79377797750, +7(843)236-73-65
Татарстан Республикасы Мәдәният министрлыгының Матбугат хезмәте