XIV «Созвездие-Йолдызлык» фестивале ачылды
«Созвездие-Йолдызлык» эстрада сәнгате ачык республика телевизион яшьләр фестиваленең ундүртенче яңа сезоны ачылды. 1 февральдән 1 мартка кадәр республиканың зур һәм кечкенә шәһәр-авылларында сайлап алу турлары уза. Шәһәр һәм районнардан ел саен фестивальдә ун меңнәрчә бала катнаша.
Иң талантлы һәм перспективалы конкурсантлар фестивальнең зона турларында катнашуга юлламалар алачак. Зона турлары 1 марттан 31 мартка кадәр республиканың 10 шәһәрендә узачак.
«Созвездие-Йолдызлык» эстрада сәнгате ачык республика телевизион яшьләр фестивале Татарстан Республикасы Президенты Рөстәм Миңнеханов химаясендә уздырыла. Татарстан Республикасы Президенты каршындагы «Созвездие-Йолдызлык» республика фестиваль хәрәкәтенә булышлык күрсәтү советы рәисе – Татарстан Республикасы Премьер-министры И.Ш.Халиков, фестивальнең оештыру комитеты председателе - Татарстан Республикасы Яшьләр эшләре, спорт һәм туризм министры Р.Т.Борһанов.
Фестиваль нигезләмәсе турында тулырак мәгълүмат http://www.yold.ru/node/14 сайтында.
Татарстан Республикасы Мәдәният министрлыгының Матбугат хезмәте