Мәскәүдә Татарстан Мәдәният көннәре тәмамланды
Мәскәүдә Татарстан Республикасы Мәдәният көннәре бүген тәмамлана. 2024 елгы чаралар ТР Мәдәният көннәре кысаларында 20-22 августта узды.
Бүген - 22 августта - Мәскәү Халыкара музыка йортында Космодамиан яр буенда Татарстан Республикасы сәнгать осталарының тантаналы кичәсе уза. Чарада Татарстан Республикасы Рәисе Р. Миңнеханов катнаша.
Бүген чараның мактаулы кунаклары Россия Федерациясе Хөкүмәте Рәисе урынбасары Марат Хөснуллин, Мәскәү мэры Сергей Собянин һәм башкалар булды.
Сәламләү сүзләре белән чыгыш ясап, ТР Рәисе Рөстәм Миңнеханов Мәскәү җитәкчелегенә Татарстанга игътибарлары һәм озак вакытлы хезмәттәшлек өчен рәхмәт белдерде.
Шулай ук, аеруча тырыш җәмәгать эшлеклеләренә, төрле һөнәр вәкилләренә Татарстан Республикасының дәүләт бүләкләре тапшырылды. Бүләкләр арасында - «Дуслык» ордены, «Татарстан Республикасы алдындагы казанышлары өчен» ордены, «ТАССР мәгарифенең 100 еллыгы» медале, Рәис Рәхмәте һәм башкалар.
Мәскәү халыкара музыка йортында Татарстан Республикасы көннәре концерт программасы, Татарстан Республикасы сәнгать осталары чыгышлары белән дәвам итте.