28 майда Татарстан Халыклары дуслыгы йортында «Табигать күренешләре белән бәйле традицион йолаларны һәм практикаларны сәхнәдә эшкәртүнең заманча формалары һәм технологияләре»дигән Республика семинары узачак.

Балаларны яклау көненә Тарихи парк гаилә программасы әзерләгән. 30 һәм 31 майда парк мәйданчыгында балалар һәм ата-аналар өчен Борынгы Русь дәүләте чорына багышланган тарихи экскурсияләр, квестлар, иҗат шөгыльләре һәм интерактивлар узачак. Проект «Яшьләр һәм балалар» милли проектының «Без бергә» федераль проекты кысаларында тормышка ашырыла.

28 майда «Мир» кинотеатрында Удмуртиядәге татар авылы турында фильмның премьера күрсәтүе узачак, анда барлык халык бер фамилия йөртә. Фильм Казан кинематографистлар төркеме тарафыннан Төбәк киносын яклау фондының грант ярдәмендә төшерелгән.

30 майда П.И. Чайковский исемендәге концертлар залы сәхнәсендә РФнең атказанган, ТРның халык артисты Айрат Хәмитов җитәкчелегендәге Татарстан Республикасы Дәүләт җыр һәм бию ансамбле чыгыш ясаячак. Әлеге концерт Россия Федерациясе Мәдәният министрлыгы һәм «РОСКОНЦЕРТ» федераль дәүләт бюджет мәдәният учреждениесы ярдәмендә узачак Россия милли һөнәри иҗат коллективлары берлеге фестиваль-форумының финал аккорды булачак.