Казан Мәскәү һәм Уфа белән беррәттән «Нуреев сезоннары» мәдәни чарасында катнаша
Март аенда Россиянең өч шәһәре - Мәскәү, Уфа һәм Казанда - «Нуреев сезоннары» Халыкара мәдәни проекты узачак. Легендар балет артисты Рудольф Нуриевның 85 еллык юбилеена багышланган чаралар Президент мәдәни инициативалар фонды ярдәме белән узачак.
Быел «Нуреев сезоннары» проекты Мәскәүдә 14 мартта ачыла.
Казанда «Нуреев сезоннары» ачылышы 23 март 18.30 сәгатьтә «Мир» кинотеатрында (Достоевский ур., 30) узачак.
«Рудольф Нуриев. Кайту» фотоэкспозициясе дә планлаштырыла. .
Шулай ук бөек биюче турында «Свой почерк» кинокомпаниясе төшергән документаль фильм премьерасы тәкъдим ителәчәк.
«Мир» кинотеатрында көн саен 24-27 мартта 16.00 һәм 19.00 сәгатьләрдә тематик киносеанслар күрсәтеләчәк.
«Нуреев сезоннары» проекты ябылышында 27 мартта 19 сәгатьтә «Венеция, Карнавал, Мәхәббәт» (Италия) нәфис фильмы күрсәтеләчәк, анда төп рольне Рудольф Нуриев уйнаган.
Барлык өч шәһәрдә дә проект чаралары кабат бушлай һәм барлык теләүчеләр өчен ачык булачак. Барлык кинокүрсәтүләрдә дә мәртәбәле кунаклар чыгышлары булачак. Барлык киносеанслар һәм теркәлү сайтларда.
Кинотеатр сайтында теркәлү буенча керү ирекле: https://kinoteatr-mir.ru/