Татарстанда «TAT∙ARS∙TAN» конкурс хәрәкәте старт ала

2022 елның 31 октябре, дүшәмбе

2 ноябрь көнне 10:00 сәгатьтә В.И. Ленин исемендәге мәдәни-күңел ачу комплексында «ТAT∙АRS∙TAN» конкурс хәрәкәте кысаларында яшь талантлар республика конкурсының сайлап алу туры старт ала.

180 нән артык ялгыз башкаручы - балалар-яшүсмерләр конкурслары лауреатлары үзләренең осталыкларын күрсәтәчәкләр һәм җиңүче исеме өчен ярышачаклар.

«TAT∙ARS∙TAN» конкурс хәрәкәте биш юнәлешне үз эченә ала: музыкаль, хореографик, театр, рәсем һәм декоратив-гамәли сәнгать.

Катнашучылар - Татарстан Республикасы территориясендә мәдәният һәм сәнгать өлкәсендә сәләтле балалар.

Конкурс хәрәкәтендә җиңүчеләрнең гала-концерты 20 ноябрьдә 12:00 сәгатьтә С.Сәйдәшев исемендәге Зур концерт залының төп сәхнәсендә узачак.