Габдулла Тукай һәм Бакый Урманче: Казанда яңа күргәзмә

2022 елның 11 марты, җомга

«Габдулла Тукай Бакый Урманче иҗатында» – 18 мартта 14 сәгатьтә Габдулла Тукай әдәби музеенда ачыла торган күргәзмә. Проект күренекле татар рәссамы, скульптор, график, ТАССРның һәм РСФСРның халык рәссамы, Тукай исемендәге Дәүләт премиясе лауреаты Бакый Урманченың тууына 125 ел тулуга багышланган. Татарстан Республикасы Милли музее фондларыннан рәссам әсәрләре, документлар, хатлар, фоторәсемнәр тәкъдим ителәчәк.