Татарстан Республикасы Милли музеенда "Мин-Россия гражданины!" тантаналы акция узды

2020 елның 12 декабре, шимбә

Татарстан Республикасы Милли музеенда " Мин-Россия гражданины! Мин-Татарстан баласы! чарасы - 14 яше тулган яшь гражданнарга паспортлар тапшыру тантанасы узды.

Балалар Татарстан Республикасының атказанган сәнгать эшлеклесе, Кырым Республикасының атказанган сәнгать эшлеклесе, мәдәният өлкәсендә Россия Федерациясе Хөкүмәте премиясе лауреаты, «Халыкны саклаганы өчен» премиясе иясе Дмитрий Туманов кулыннан ил гражданины документын алдылар.

Тантанада ГИТИСның Россия Театр сәнгате институты студенты, «Созвездие-Йолдызлык» 20 нче юбилей фестивале җиңүчесе, беренче урын иясе Артур Әмиров «Хәтер» исемле җыры белән чыгыш ясады.