Альбина Шаһиморатова International Classical Music Awards тавыш яздыру өлкәсендә иң дәрәҗәле Халыкара премия лауреаты булды

2020 елның 2 декабре, чәршәмбе

Россиянең танылган опера җырчысы, Россия Федерациясенең атказанган артисты Альбина Шаһиморатова International Classical Music Awards лауреаты булды. Бу хакта ТР халык артисты «Инстаграм» социаль челтәрдәге шәхси битендә язып чыкты.

"Ниһаять, Швейцариядән минем бүләгем килде. Рәхмәт сезгә", - дип язды опера йолдызы.

Белешмә

ICMA халыкара премиясе-классик музыка өлкәсендә бердәнбер бәйсез халыкара бүләкләрнең берсе. ICMA премиясе 2011 елдан бирле тапшырыла. Жюри составына, Орфей радиостанциясе, Европа илләренең әйдәп баручы музыка басмалары, порталлары һәм радиостанцияләр вәкилләре керә.

Татарстан Республикасы мәдәният министрлыгының матбугат хезмәте