Татарстан Республикасы Министрлыклары Татарстан Республикасы Мәдәният министрлыгы

ТАССРның халык артисты Һаҗәр Шәкүрова вафат булды

2019 елның 27 июне, пәнҗешәмбе

Татарстанның театр җәмәгатьчелеге зур югалту кичерә. ТАССРның халык артисты Шәкүрова Һаҗәр Закир кызы 79 яшендә вафат булды.

Һаҗәр Шәкүрова 1940 елның 26 июнендә ТАССРның Саба районы Байлар Сабасы авылында туа. 1963-1964 елларда Курчак театрында эшли, 1964 елдан Республика күчмә театрында (хәзер ул К. Тинчурин исемендәге театр) эшли.

Артистның театрдагы беренче ун ел эшләү дәверендәге төп рольләрнең берсе - М. Кәримнең «Айгөл иле»ндәге Айгөл роле булды. Шул ук елларда ул В. Сәйфуллинның «Умырзая» спектаклендә - Әлфияне, Ш. Камалның «Хаҗи әфәнде өйләнә» әсәрендә - Камиләне һ.б. рольләрне уйнады. Аның төрле пландагы дистәләрчә роле бар. Актрисаның төрле яшьтәге геройлары аерым игътибарга лаек: Т. Гыйззәтнең «Ташкыннар» әсәрендә Мөршидә; У.Гаджибековның «Аршын мал алан» әсәрендә шаярырга яратучан Җиһан, И. Грекованың «Тол хатыннар көймәсе»ндә Ленинград блокадасын башыннан кичергән Флюра һәм дистәләгән башка рольләре тамашачы мәхәббәтен яулады.

Һ. З. Шакүрованың эшчәнлеге ТАССРның атказанган артисты (1979), ТАССРның халык артисты (1991) дигән мактаулы исемнәр белән билгеләп үтелә.

Һаҗәр Закир кызы республиканың театр бергәлегендә, хезмәттәшләре һәм дуслары арасында зур абруй казанды, театрга һәм актер сәнгатенә тугры хезмәт итү үрнәге булды.

ТР Мәдәният министрлыгы һаҗәр Шакүрованың туганнары һәм якыннарының тирән кайгысын уртаклаша.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2025 ел

Шаляпин стипендиясенә гаризалар кабул ителә

Татарстан Республикасы Милли музее һәм аның филиалы – Горький һәм Шаляпин музее 2025 елның иң яхшы яшь вокалистлары арасында Шаляпин стипендиясе алуга конкурс игълан итә.

гыйнвар, 2025 ел

15 февральгә кадәр Татарстан Республикасының Габдулла Тукай исемендәге Дәүләт премиясенә гаризалар кабул ителә

15 февральгә кадәр Татарстан Республикасының Габдулла Тукай исемендәге Дәүләт премиясенә гаризалар кабул ителә.

гыйнвар, 2025 ел

Мәдәни инициативалар президентлык фондының икенче грант конкурсына гаризалар кампаниясе дәвам итә

2025 елгы Президент мәдәни инициативалары фондының икенче грант конкурсына гаризалар кампаниясе дәвам итә. Коммерциячел һәм коммерциячел булмаган оешмалардан, шәхси эшмәкәрләрдән һәм муниципаль учреждениеләрдән заявкалар 6 февраль көнне фондкультурачы.рф сайтында кабул ителә. Яңа грант "дулкыннары"ның мөһим яңалыкларының берсе - тематик юнәлешләр исемлеген арттыру һәм үзгәртү. 2025 елның икенче конкурсыннан ПФКИ иҗат проектлары авторлары түбәндәге юнәлешләр буенча заявкалар бирә ала: «Россия язмышы белән бердәмлек», «Без бергә», «Социалистик халык», «Күп милләтле халык», «Нравственные ориентиры», «Крепная семья», «Наша сила в правде», «На страже Отечества», «Молодые лидеры», «Страна возможностей», «Культурный код», «Место сил».

гыйнвар, 2025 ел

Күренекле татар шагыйрәсе, журналист, Татарстан язучылар берлеге әгъзасы Нәҗибә Әхмәтнур кызы Сафина вафат

Күренекле татар шагыйрәсе, журналист, Татарстан язучылар берлеге әгъзасы, якташыбыз Нәҗибә Әхмәтнур кызы Сафина вафат. Нәҗибә Сафина белән хушлашу, иртәгә, 12 гыйнварда аның туган авылы Кисәк- Каенда була. Нәҗибә Әхмәтнур кызы 1949 елның 2 мартында Яңавыл районы Кисәк-Каен авылында туып үскән, Карман мәктәбен тәмамлаган. 1967 елда Казан дәүләт университетының татар теле һәм әдәбияты бүлегенә укырга кереп, 1972 елда кулына диплом алып, хезмәт юлын башлаган. Укытучы, редакция хезмәткәре булып эшли, авыр елларда заводта да тир түгәргә туры килә аңа.1990 елдан Нәҗибә апа Казанда яши. «Таң кошы», «Кан хәтере», «Өтерләр юк йөрәк тибешендә», «Мәсәл вә мәсьәлә», «Каеннар ник кара таплы» дигән китапларын милләт яратып укыды. Балалар өчен язылган «Кош теле», «Мәче фәлсәфәсе», «Аккош күле», «Камка һәм яфрак капка» исемле китаплары бар. Татарстан Республикасы Мәдәният министрлыгы Нәҗибә Әхмәтнур кызы Сафинаның туганнары һәм якыннарының кайгысын уртаклаша һәм тулыланмас югалту кайгысын уртаклаша.

ЯҢАЛЫКЛАРГА ЯЗЫЛУ