Сукырлар һәм начар күрүче кунаклар өчен: · 29 июнь, 15:00 – Казан Кремле территориясе буенча экскурсия, 16+ · Территория буенча мөстәкыйль сәяхәтләр өчен тифлокомментарийлы видео-экскурсияләр доступлы  

2026 елның 1 июнендә, Халыкара балаларны яклау көне кысаларында, Казан Кремленең Присутствие урыннары ишегалдында «Татарстанда җәй» Балачак фестивале узачак. Фестиваль – балалар һәм яшүсмерләр өчен җәйге каникуллар сезоны башлануын һәм Татарстан Республикасы Рәисе ярдәмендә гамәлгә ашырылучы «Татарстанда җәй» республика проектының башлангыч вакыйгасы булып тора.

3 июньдә «Казан Кремле» музей-тыюлыгының Ислам мәдәнияте музеенда «Почта маркаларында ислам палитрасы» күргәзмәсе ачыла. Проект «Казан – Ислам дөньясының мәдәни башкаласы» елы кысаларында гамәлгә ашырыла.

2026 елның 1 июнендә «Уникаль осталык үзәге»ндә көн буе Татарстан Республикасы сәнгать эшлеклеләренең беренче декадасын ачуга багышланган чаралар узачак. Проект республиканың мәдәни кодын формалаштыручы күренекле мәдәният эшлеклеләренең юбилейларына багышланган. Декада кунаклары һәм катнашучылары өчен төрле сәнгать төрләрен берләштерүче бай программа әзерләнгән.