ЯҢАЛЫКЛАР

30 июнь Алабуга дәүләт музей-тыюлыгында «Язмышлар киселеше» дип аталган һәм А.Н.Скрябин белән С.В.Рахманиновның 150 еллыгына багышланган күргәзмә ачыла. Күргәзмә Мәскәү шәһәренең А.Н.Скрябин Мемориаль музее җыентыгыннан әзерләнгән. Күргәзмә бөек рус композиторы, пианист һәм дирижёр Сергей Рахманиновның юбилеена һәм узган ел 150 ел тулган Александр Скрябинның юбилеена багышланган.

29 һәм 30 июнь көнне “Йолдызлык” Арт-резиденциясе труппасы Болактагы Казан Яшьләр театры сәхнәсендә чыгыш ясаячак. Артистлар Әзербәйҗан композиторы Узеир Гаджибековның «Аршин мал алан» музыкаль комедиясен тәкъдим итәчәкләр. Башлана - 19.00 сәгатьтә.

Beinopen мода индустриясе үсеше институты VK бергәлекләре белән эшләү Департаменты ярдәме белән беренче тапкыр Россиянең биш төбәгендә мода индустриясе форумын уздырачак. Аның максаты - эшкуарларны, дизайнерларны һәм башка мода эшлеклеләрен бер мәйданчыкта берләштерү, шулай ук digital-контентны ВКонтакте инструментлары ярдәмендә булдыру һәм алга җибәрү мөмкинлекләре турында сөйләү. Форум мода индустриясе белән бәйле һәм аны үстерүдә катнашучы һәркемгә исәпләнгән: бренд булдыручылар, җиңел сәнәгать предприятиеләре вәкилләре, дизайнерлар, стилистлар, фотографлар һәм визажистлар бермәйданда очрашачаклар.

29 июньнән 2 июльгә кадәр Татарстан Республикасы Рәисе Р.Н. Миңнеханов ярдәме белән Борис Березовскийның «Алабугада җәйге кичәләр» V Халыкара музыкаль фестивале узачак. 

Россия хәрби-тарихи җәмгыяте "Россиянең хәрби тарихының истәлекле даталары" проектын гамәлгә ашыра.

2023 елның 23 июнендә Казан Кремленең күргәзмә залларында «Минем Иран» дип исемләнгән күргәзмә ачылды. Әлеге күргәзмә - Татарстан Республикасында Иран Консуллыгы һәм Татарстан Республикасы Мәдәният министрлыгының уртак проекты. Чарада Татарстан Республикасы мәдәният министры урынбасары Дамир Натфуллин, Иран Ислам Республикасының Казандагы Генераль консулы Давуд Мирзахани, «Казан Кремле музей-тыюлыгы» директоры Илнур Рәхимов катнашты.

2023 елның 24 һәм 25 июнендә Советлар Союзы Герое П.М.Гавриловның туган ягы Альвидино авылында «Элбэдэн» хәрби уеннары» тарихи реконструкция V юбилей фестивале узачак. Фестиваль ТР Яшьләр эшләре министрлыгы химаясы астында уза. Фестивальнең тарихи өлешен ТР Милли музее, «Витязь» хәрби-тарих клубы, 1941-1945 елгы Бөек Ватан сугышы музей-мемориалы үткәрә, шулай ук чараны оештыручылар арасында: ТР Питрәч районы администрациясе, Татнефть компаниясе, Питрәч яшьләр якташлыгы оешмасы да бар.

24 июньдә Казанда Сабантуй узачак. Бәйрәм алдыннан бүген Сабантуй өчен бүләкләр җыю йоласын яңартырга ниятләделәр. Быел бу тантана дүрт төп мәйданчыкта 11:00 сәг. Казан Кремле каршында (1 Май мәйданында), М.Җәлил исемендәге опера һәм балет театры мәйданында, «Туган авылым» ял итү комплексы һәм Иске Татар бистәсендә старт алды.

2 июль 10:30 һәм 12:00 сәгатьтә Казан Кремлендә (1 подъезд, 2 кат) Казан яшь тамашачы театрының «Керпеләр - нәни хыялыйлар» спектакле күрсәтеләчәк. Иң кечкенә дуслар өчен куелачак тамашаны музей-тыюлыкка килүче ТР башкаласы халкы һәм кунаклар күрә алачак

22 июнь көнне Татарстан Республикасы Милли музеенда һәм музейның филиалларында Хәтер һәм фаҗига көненә багышланган берничә чара узды.