2018 елның 11 октябрендә 14.00 сәгатьтә Татарстан Республикасы Милли музеенда «Замандаш» клубының комсомолга 100 ел тулуга багышланган утырышы узачак.
Анда 1960-1970 еллар комсомоллары катнаша, алар үз хатирәләре белән уртаклашачак, истәлекле вакыйгалар турында сөйләячәк. Чара кысаларында «Из истории Казанской городской комсомольской организации 1960-х годов» исемле китап тәкъдир ителә.
Әлеге очрашу комсомол ветераннарына яшьлек елларын искә төшерергә, яшьләргә ул чор турында күбрәк белергә мөмкинлек бирәчәк.
Милли музей телефоны: +7(843) 292-32-18.