Татар дәүләт филармониясе 81 нче сезонын ача

18 сентябрь 2018 ел., сишәмбе

20 сентябрь көнне Татар дәүләт филармониясе үзенең 81нче сезонын ача. Күпьеллык матур гадәт буенча, яңа сезонны филармониянең иң зур коллективы – Россиянең халык артисты, Г.Тукай исемендәге дәүләт премиясе лауреаты Анатолий Шутиков җитәкчелегендәге Дәүләт халык иструментлары оркестры башлап җибәрә. Оркестр өчен  2018-2019 еллар -юбилей сезоны. Россиянең иң зур коллективларының берсе быел үзенең 25 еллыгын билгеләп үтә.

Сезон ачылган көнне Татар филармониясе сәхнәсендә оркестр белән бергә Даниил Штода (тенор / Санкт-Петербург), Елена Цветкова (меццо-сопрано / Санкт-Петербург), Сергей Романов (баритон / Санкт-Петербург), Ирина Матаева (сопрано / Санкт-Петербург) чыгыш ясаячак. Опера һәм оперетталардан арияләр, романслар һәм җырлар яңгырар, дип көтелә.

Концерт алдыннан журналистлар өчен филармониянең сәнгать коллективлары җитәкчеләре, солистлар белән очрашулар оештырылачак.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования