Бүген, 28 июньдә, Габдулла Кариев исемендәге Казан татар дәүләт яшь тамашачы театры Татарстан хәрби комиссариатында “Бер мәхәббәт тарихы” (Р.Шәриф) спектакле белән чыгыш ясады. “Театр – Ватанны саклаучыларга” проекты кысаларында күрсәтелгән тамашаны армия сафларына алынучы Татарстан егетләре карады. Спектакльдән соң артистлар аларга уңышлы хезмәт итүләрен һәм сау-сәламәт туган якларына әйләнеп кайтуларын теләде.
“Театр – Ватанны саклаучыларга” проекты театр тарафыннан 2014 елда гамәлгә куелып, Татарстан Республикасы Президенты тарафыннан хуплау тапкан.