Белоруссиядә - «Татар милләте мәдәниятының төрлелеге”

16 май 2018 ел., чәршәмбе

15 май көнне Полоцк тарихи-мәдәни  музей-тыюлыгында Алабуга  дәүләт музей-тыюлыгының фонд коллекциясеннән әзерләнгән «Татар милләте мәдәниятының төрлелеге” исемле күргәзмә эшли башлады.  Чара Татарстан һәм Беларусь республикалары Хөкүмәтләре  арасында сәүдә-икътисадый, фәнни-техник һәм мәдәни хезмәттәшлек  турындагы Килешүе кысаларында оештырылды.

Килгән кунакларны Полоцк музей-тыюлыгы директоры Тамара Джумантаева һәм Алабуга музей-тыюлыгының хисап һәм фондны саклау буенча генераль директор урынбасары Марина Жарковская сәламләде. Күргәзмә буенча беренче экскурсияне Алабуга  дәүләт музей-тыюлыгының декоратив-гамәли сәнгать музей-остаханәсе мөдире  Әлфия Мөшәрәпова үткәрде.

Экспозициядә татар халкы мәдәниятының бөтен төрлелеген һәм байлыгын тасвирлаучы 180ләп предмет урын алган. Алар – милли кием үрнәкләре, бизәнү әйберләре, күн мозаикалы аяк киеме, йорт-җиһаз  һәм мөселманнарның дини тормыш предметлары.

Экспозицияне Алабуга музей-тыюлыгының арт-проект эшләре тулыландыра: аларны Татарстан һәм Башкортстанның  атказанган рәссамнары иҗат иткән.

Татар мәдәнияты көннәре кысаларында,  «Татар милләте мәдәниятының төрлелеге” күргәзмәсе 5 июньдә  Беларусь Республикасының Милли тарих музеенда (Минск), ә 15 июльдә - Гомельдә ачылачак.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования